5 педагогикалық кеңес

Балабақшамызда 2025–2026 оқу жылының 5-қорытынды педагогикалық кеңес отырысы өткізілді. Кеңес барысында оқу жылы бойынша атқарылған жұмыстар сараланып, педагогтердің жарты жылдық қорытынды есептері тыңдалды.
Күн тәртібіндегі маңызды мәселелердің бірі – жазғы сауықтыру жұмыстарының жоспарын бекіту болды. Жаз мезгілінде тәрбиеленушілердің денсаулығын нығайту, қауіпсіздігін қамтамасыз ету және мазмұнды демалысын ұйымдастыру мақсатында арнайы жоспар құрылып, педагогикалық ұжым тарапынан талқыланып бекітілді.
Кеңес соңында келесі оқу жылына арналған ұсыныстар жинақтау мақсатында «Ұсыныс жәшігі» ұйымдастырылды. Бұл бастама ұжымның бірлескен жұмысын жандандырып, келесі оқу жылындағы сапалы білім мен тәрбие беру ісін жетілдіруге бағытталды.